युद्ध जित्नेलाइ, सलाम छ “अधुरो मन्जिल”
युद्ध जित्नेलाइ, सलाम छ ।
बुद्ध बुझ्नेलाइ, कलम छ ।
आइ लाग्नेलाई जाइ लाग्छ ।
गोर्खालीको छोरो फलाम छ ।
बगाउ युवा, तातो रगत ।
देशप्रेमिलाइ, मलम छ ।
मनपरी भो, देशको नीति ।
राजनीतितन्त्र, हलम छ ।
तराई पहाड, फाटो आयो ।
छिमेकमा साथी, हराम छ ।
रगत एउटै, रातो हो नि ।
जात धर्म किन, गरम छ ।
सुन्दर शान्त, विशाल थियो ।
नक्सामा हेर, कति शरम छ ।
आउ बुद्ध, फेरि फर्की आउ ।
शान्तिको दिप, अलि नरम छ ।
© अधुरो मन्जिल (९८४१००४५०२)
२०७३
