बुद्धले ल्याए “सुस्तरी मायाँ गाढा” (भिडियो सहित)

काठमाण्डौ । लोक संगीत तथा आधुनिक संगीतमा आफ्नो छुट्टै पहिचान बनाउन सफल बुद्ध मोक्तानले आफ्नो पछिल्लो प्रस्तुतिमा “सुस्तरी मायाँ गाढा” बोलको गीतलाई भर्खरै सार्वजनिक गरेका छन् । बिष्णु तामाङ्गको संगीत संयोजनले सजिएको यो पूर्वेली लोक स्वादमा तयार भएको गीतलाई बुद्ध मोक्तानको नै लय तथा शब्द सिर्जना रहेको छ भने गीतमा बुद्धको साथै कोपिला तामाङ्ग वाइबाको सुमधुर स्वर सुन्न सकिन्छ ।

एक किश्वोरले अर्की किश्वोरिलाई अनायासै मन पराउँछन्,त्यो मन पराइ दिनप्रतिदिन प्रगाड बन्दै जान्छ र बैबाहिक बन्धन सम्मको टुङ्गो लाग्छ । तर छोरा मान्छे हो आफ्नो परिवारको अविभारा पुरा गर्न पनि उ संगै रहन पाउँदैन र परदेशिनु पर्ने अवस्था समेत आउँछ । यस्तै पेरेफेरीको बिलौनालाई बुनेर तयार पारिएको यस गीतको म्युजिक भिडियोमा लाक्पा दोर्जे तामाङ्ग र आयुष्मा कार्कीको जीवन्त अभिनय देख्न सकिन्छ ।

बुद्ध मोक्तान अफिसियल युट्युब च्यानल मार्फत सार्वजनिक गरिएको यस गीतको म्युजिक भिडियोलाई निर्देशन समिर थोकरले गरेका हुन् भने छायांकन शुशील डाँगी र सम्पादन बिर बहादुर थारुले गरेका छन् । गायक तथा सर्जक बुद्धले यस भन्दा पहिले पनि थुप्रै गीतहरु सार्वजनिक गरेर अशंख्य श्रोता तथा दर्शकहरुको मन जितिसकेका छन् ।

भिडियो हेर्न तल क्लिक गर्नु होला ।