मोडल सुनेलले गरे छोरी सुस्मिताको कन्यादान

काठमाण्डौ । नेपाली गीत संगीतको श्रीवृद्धिका लागि बिगत निकै लामो समय यता निरन्तररुपमा जुटेका लोकप्रिय मोडल एवं प्रस्तुतकर्ता कुमार सुनेलको छोरी सुस्मिता सुनेलको काठमाण्डौ १५ डल्लु निवासी सहदेब सेन्चुरिको साथमा विवाह सम्पन्न भएको छ । २ छोरा र १ छोरीकी बाबा कुमारले अहिले सम्म थुप्रै गीत संगीत बजारमा ल्याएर अशंख्य श्रोता तथा दर्शकहरुको मन जितिसकेका छन् । उनि कलाकारिता क्षेत्रमा मात्र होइन एक सफल ज्वैलरी व्यवसायी समेत हुन् । कुमारले अहिले नयाँ थिमी स्थित सौगात सुनचादी पसल संचालन गरिरहेका छन् ।

छोरी सुस्मिताको वैवाहिक समारोहमा गीत संगीत क्षेत्रका धेरै कलाकारहरुको बाक्लो उपस्थिति रहेको थियो । मध्यपुर् थिमीको चारदोबाटो स्थित थिमी बैंकेटमा उक्त विवाह समारोह सम्पन्न भएको हो । स्थायी घर दोलखा भएका कुमारका गीतहरु अहिले पनि युट्युबको माध्यमबाट रुचाउनेको कमि छैन । उनले आफ्नी छोरीको विवाहको निम्तो स्वीकारेर पाल्नु हुने सबै कलाकारहरुलाई धन्यवाद दिएका छन् ।

लोकप्रिय मोडल एवं प्रस्तुतकर्ता कुमार सुनेलको अन्य धेरै प्रस्तुतिहरु बजारमा आउने क्रममा रहेका छन् । जुन गीत बजारमा ल्याए पनि सफल भैरहेका उनका थप प्रस्तुतिहरुप्रति अझै सफलता सहित संगीत सरोवर परिवार, छोरी सुस्मिताको वैवाहिक जीवनको शुभकामान व्यक्त गर्दछ ।